حلوة رأس السنة بكلاصاج كراميل

المقادير:

6بيضات

180g سنيدة

180gدقيق

قبصة ملح

 نصف خمارة الحلوة

طريقة التحضير:

6بيضات180g سنيدة وقبصة الملح كنخدموهم حتى كيوليو بيضين وكنزيدو عليهم 180gدقيق كنزيدوه بشوية بشوية كنفرشو ورق الطبخ و كندخلوهم الفرن

الكريمة:

كنحتاجو نصف لتر كريم فريش تكون بارد مزيان وكنزيدو عليها سكر كلاصي  حسب الذوق و نكهة الكراميل وكنطربوها بالطراب الكهربائي كنديروها فالثلاجة 

ملي كنخرجو الجينواز كنخلوها تبرد مزيان و كنقطعوها لزوج دوائر كنديرو الدائرة اللولى و كنسقيوها بالسيرو المعتمد عندكم وكنديرو فوق منها الكريم فريش و كنزيدو الدائرة الثانيةوكنسقيوها حتى هي من بعدكنزيدو الكريم فريش

الى كنتو بغيتوها تجي عالية ممكن نزيدو طبقة الجنواز والكريم كنغلفوها ب بلاستيك غدائي وكنخلوها المجمد

كلاصاج الكراميل :

٢٥٠غ سنيدة مع ٢٥٠ كليكوز مع كاس ماء كنديروهم فوق البوطة حتى كيبداو يغليو و كنحيدوهم كنتسناو شوية و كنزيدو عليهم ٢٥٠ غ شكلاط ابيض و ٤ اوراق جيلاتين و نكهة الكراميل وصوص الكراميل  و كنخليوهم يبردو حتى كيوليو دافييين و كنجبدو الحلوة من المجمد و كنخويو عليها الكلاصاج و كنخليوها كتسقطر و تجمد

بالنسبة للتزيين كيبقى اختياري .